Бул практиканын алкагында 2021 жылы Евразия турукташтыруу жана өнүктүрүү фонду менен Кыргыз Республикасы өнүктүрүү программасына ылайык Кыргыз Республикасына бюджеттик колдоо көрсөтүү жөнүндө макулдашуу кабыл алынган.

2022-жылга республикалык бюджетти түзүүдө Евразия турукташтыруу жана өнүктүрүү фондунан, бюджеттин киреше бөлүгүнө 80,0 млн АКШ доллары өлчөмүндө заем каралган.

Жогоруда аталган каражат республиканын экономика тармагын колдоого жумшалат:

- туризм тармагын стимулдаштыруу максатында Туризмди өнүктүрүү фондун каржылоо;

- Кыргыз Республикасынын өнөр жайын өнүктүрүү жана колдоо максатында «Кыргызиндустрия» ААКны каржылоо;

- Ишкердикти колдоо фондун каржылоо (чакан жана орто бизнес үчүн жеңилдетилген кредиттерди берүү);

- энергетика тармагын колдоого жана суу чарба объекттерин жакшыртууга бюджеттик кредит берүү.

Белгилеп кетсек, бул иш-чараларды каржылоо республиканын экономикасынын өнүгүшүнө оң таасирин тийгизет жана келечекте мультипликативдик эффект берип, тартылган каражаттарды кайтарып берүү үчүн бюджеттин киреше бөлүгүнө таасирин тийгизет.