КР ФИНАНСЫ МИНИСТРЛИГИ САНАРИПТЕШТИРҮҮ ЧАРАЛАРЫН ТЕЗДЕТҮҮДӨ

КР ФИНАНСЫ МИНИСТРЛИГИ САНАРИПТЕШТИРҮҮ ЧАРАЛАРЫН ТЕЗДЕТҮҮДӨ

КР Финансы министри А.Бакетаев Мамлекеттик бажы кызматынын төрагасы С.Исабековдун 2024-жылга карата аткарылган иштери жана пландары тууралуу маалыматын укту.

Белгилей кетсек, Мамлекеттик бажы кызматы 2023-жылга карата 111 млрд 503,3 млн сом өлчөмүндө бажы төлөмдөрүнүн түшүүсүн камсыздаган. 2022-жылдын ушул мезгилине салыштырмалуу өсүү темпи 150,1%ды түздү, же 37,2 млрд сомго көп.

Мамлекеттик бажы кызматынын төрагасы мындай натыйжаларга жетүү үчүн бизнес-процесстерди жөнөкөйлөтүү жана тездетүү, өткөрүү пункттарындагы потенциалды жогорулатуу, контрабандага каршы күрөштү күчөтүү, ошондой эле коррупциялык схемаларды жоюу боюнча иштер жүргүзүлгөндүгүн маалымдады.

Министр А.Бакетаев 2024-жылга карата пландарды жана милдеттерди талкуулап, ошондой эле бажы кызматына санариптештирүү боюнча иш-чараларды тездетүүнү тапшырды.

Андан соң, Финансы министри А.Бакетаев КР Финансы министрлигинин Баалуу металлдар департаментиннин ишмердүүлүгүн текшерип, жаңы инструменттердин жардамы менен реформаларды жүргүзүү, департаменттин ишмердүүлүгүн толук санариптештирүү боюнча тапшырмаларын берди.

А.Бакетаев фондулук биржа менен иштөө мүмкүнчүлүгүн көрсөтүлүүчү кызматтардын спектрин кеңейтүү, ата мекендик продукцияны экспорттоону жогорулатуу, алтын жана баалуу буюмдарды жүгүртүү менен алектенген субъекттерге кызмат көрсөтүүнү жакшыртуу зарылдыгын белгиледи.

2 сүрөттөр

0.00MB

Тиркелген файлдар

Түзүлгөн

Сезим
676