Акциялардын мамлекеттик пакети (катышуу үлүшү) бар чарбакер коомдун директорлор кеңешине мамлекеттик өкүлдүн  кызмат ордуна талапкерлер төмөнкүдөй талаптарга жооп бериши керек:

1) соттуулугунун жоктугу, анын ичинде жоюлганына карабастан;

2) курагы 27 жаштан кем эмес;

3) экономика, башкаруу, юриспруденция чөйрөсүндө же чарбакер коомдун ишинин профилине тийиштүү адистик боюнча жогорку билими;

4) иш тажрыйбасы:

- менчигинин түрүнө карабастан коммерциялык уюмдун башкаруу органдарында жетекчи, жетекчинин орун басары (анын ичинде түзүмдүк бөлүмдүн жетекчиси, жетекчинин орун басары) катары 5 жылдан кем эмес; же

- финансылык-экономикалык блоктогу мамлекеттик органдарда же болбосо чарбакер коомдордун ишинин профилине тиешелүү мамлекеттик органдарда «С-А» категориясынан төмөн эмес кызмат орундарында мамлекеттик жарандык кызматта 5 жылдан кем эмес.

Билими:

1. Кыргыз Республикасынын Конституциясы;
2. Кыргыз Реcпубликасынын Граждандык Кодекси (I бөлүк);
3. Кыргыз Реcпубликасынын Бюджеттик Кодекси;
4. Кыргыз Республикасынын Корпоративдик башкаруу кодекси;
5. Кыргыз Реcпубликасынын «Акционердик коомдор жөнүндө» Мыйзамы;
6. Кыргыз Реcпубликасынын «Чарбалык шериктиктер жана коомдор жөнүндө» Мыйзамы;
7. Кыргыз Реcпубликасынын «Баалуу кагаздар рыногу жөнүндө» Мыйзамы;
8. Кыргыз Республикасынын «Банктар жана банк иштери жөнүндө» Мыйзамы;
9. Кыргыз Реcпубликасынын «Кызыкчылыктардын кагылышуусу жөнүндө» Мыйзамы;
10. Кыргыз Реcпубликасынын «Банкроттук (кудуретсиздик) жөнүндө» Мыйзамы;
11. Кыргыз Реcпубликасынын «Коррупцияга каршы аракеттенүү жөнүндө» Мыйзамы;
12. Кыргыз Республикасынын «Виртуалдык активдер жөнүндө» Мыйзамы;
13. Кыргыз Республикасынын Министрлер Кабинетинин 2022-жылдын 10-июнундагы №301 токтому менен бекитилген Мамлекеттик жана муниципалдык ишканалар, уставдык капиталдагы катышуу үлүшүнүн 50 жана андан ашык пайызы мамлекетке таандык болгон чарбакер коомдор, анын ичинде алардын туунду чарбалык коомдору тарабынан сатып алууларды уюштуруунун жана ишке ашыруунун типтүү тартиби;
14. OECD Корпоративдик башкаруу принциптери.

Чарбакер коомдун Ички аудит кызматына (ички аудитор) мамлекеттик өкүлдүн кызмат ордуна талапкерлер төмөнкүдөй талаптарга жооп бериши керек:  

1. соттуулугунун жоктугу, анын ичинде жоюлганына карабастан;
2. курагы 27 жаштан кем эмес;
3. финансы, бухгалтердик эсеп же аудит тармагындагы адистиги менен жогорку экономикалык билими;
4. менчигинин түрүнө карабастан уюмдарда жана мекемелерде финансы, бухгалтердик эсеп, аудит менен түздөн-түз байланышкан жетектөөчү кызмат орундарында 5 жылдан кем эмес практикалык иш тажрыйбасынын болушу.

Билими:

1.    Кыргыз Республикасынын Конституциясы;

2.    Кыргыз Реcпубликасынын Граждандык Кодекси (I бөлүк);

3.    Кыргыз Реcпубликасынын Бюджеттик Кодекси;

4.    Кыргыз Реcпубликасынын «Акционердик коомдор жөнүндө» Мыйзамы;

5.    Кыргыз Реcпубликасынын «Чарбалык шериктиктер жана коомдор жөнүндө» Мыйзамы;

6.    Кыргыз Реcпубликасынын «Баалуу кагаздар рыногу жөнүндө» Мыйзамы;

7.    Кыргыз Реcпубликасынын «Кызыкчылыктардын кагылышуусу жөнүндө» Мыйзамы;

8.    Кыргыз Реcпубликасынын «Бухгалтердик эсеп жөнүндө» Мыйзамы;

9.    Кыргыз Реcпубликасынын «Аудитордук иш жөнүндө» Мыйзамы;

10.  Финансылык отчеттуулуктун эл аралык стандарты;

11.  Кыргыз Республикасынын Министрлер Кабинетинин 2022-жылдын 10-июнундагы №301 токтому менен бекитилген Мамлекеттик жана муниципалдык ишканалар, уставдык капиталдагы катышуу үлүшүнүн 50 жана андан ашык пайызы мамлекетке таандык болгон чарбакер коомдор, анын ичинде алардын туунду чарбалык коомдору тарабынан сатып алууларды уюштуруунун жана ишке ашыруунун типтүү тартиби.

Директорлор кеңешинин жана ички аудит кызматынын (ички аудитор) мүчөсү катары төмөнкүлөр көрсөтүлүшү мүмкүн эмес:

1. чарбакер коомдун атаандашы болгон субъекттин менчик ээси, акционери (катышуучусу), башкаруу органынын мүчөсү болуп саналган жак;

2. буга чейин белгиленген тартипте банкрот деп таанылган же ага карата мажбурлап жоюу жөнүндө чечим кабыл алынган коммерциялык уюмдун директорлор кеңешинин мүчөсү, аткаруу органынын жетекчиси же мүчөсү, башкы бухгалтери болгон жак.

Сынакка катышуучу талапкерлер төмөнкү документтерди тапшырууга тийиш:

1. арыз;
2. резюме, сүрөтү менен;
3. өмүр баян;
4. белгиленген тартипте толтурулган анкета;
5.  паспортунун жана жогорку билими тууралуу документтин көчүрмөсү (текшерүү үчүн түп нускасы);
6. кошумча билими жана квалификациясы (эгерде бар болсо) тууралуу документтеринин нотариалдык же иштеген жери боюнча персоналдарды башкаруу кызматы тарабынан күбөлөндүрүлгөн көчүрмөсү;
7. эмгек китепчесинин акыркы иштеген жери боюнча жумуш берүүчү же нотариалдык жактан күбөлөндүрүлгөн көчүрмөсү;
8. кадрларды эсепке алуу боюнча өздүк баракча;
9. соттуулугу бар же жоктугу тууралуу маалым кат, берилген мөөнөтү сынакка катышуу үчүн документтерин берген учурда 1 айдан ашпоого тийиш;
10. сунуштама кат (бар болгон учурда);
11. сертификаттар (бар болгон учурда).

Коомдордун башкаруу органдарына кызматка шайлоодо төмөнкү артыкчылыктардын бирине ээ болгон талапкерлер жогору бааланат:

1. Директорлор кеңши үчүн:

- талапкерлер жетекчилик кызматта турган мезгилде коммерциялык уюмдун финансылык-экономикалык көрсөткүчтөрүндө оң динамикасынын болушу;

- МВА квалификациялык даражасы;

- чет өлкөлүк компаниялардын башкаруу органдарында иштөө тажрыйбасы;

- талапкердин мурдагы иштеген жеринен жана/же бизнес-ассоциациялардан ишкердик аброю жөнүндө корутундусу бар сунуш каттардын болушу;

- талапкер жетекчилик кызматта иштеген мезгил үчүн коммерциялык уюм тарабынан күбөлөндүрүлгөн финансылык отчеттун көчүрмөсүнүн болушу (пайда жана чыгым жөнүндө отчет, баланс);

- стратегиялык менеджмент, корпоративдик башкаруу, финансылык менеджмент жаатында кошумча билим алуу же квалификациясын жогорулатуу жөнүндө сертификаттардын жана башка документтердин болушу;

- аудит, бухгалтердик эсеп жана финасылык отчеттулук чөйрөсүндөгү кесипкөй коомдук уюмдан талапкердин ишкердик бедели жөнүндө корутундусу бар сунуш катынын болушу.

2. ички аудит кызматына (ички аудитор) үчүн:

- талапкер жетекчилик кызматта турган мезгилде коммерциялык уюмдун финасылык-экономикалык көрсөткүчтөрүндө оң динамикасынын болушу;

- аудитордун ишмердик жаатында ыйгарым укуктуу орган тарабынан берилген аудитордун квалификациялык сертификатынын болушу;

- аудитордун квалификациялык сертификатынын же CAP, CIPA (эгер бар болсо) сертификатынын болушу;

- аудит, бухгалтердик эсеп жана финансылык отчеттуулук тармагындагы кесипкөй коомдук уюмдардан талапкердин ишкердик бедели жөнүндө корутундусу бар сунуш катынын болушу.

Өткөрүлгөн тестирлөөнүн жана талапкер менен баарлашуунун жыйынтыгы боюнча сынактан ийгиликтүү өткөн талапкер мамлекеттик үлүш катышкан чарбакер коомдордун башкаруу органдарынын кадрлар резервине киргизилет.  

Кыргыз Республикасынын Финансы министрлиги акционер катары катышкан, мамлекеттик үлүшү бар чарбакер коомдордун башкаруу органдарынын кадрлар резервине киргизилүүчү талапкерлер үчүн  белгиленген үлгүдөгү анкета Кыргыз Республикасынын Финансы министрлигинин расмий сайтына жайгаштырылат: https://www.minfin.kg .

Документтер көктөмөгө тиркелип, 2025-жылдын 14-ноябрга чейин тапшырылууга тийиш (дареги:  Бишкек ш.  Московская көч. 194, каб. 117, тел. (0312) 66-40-33)