Мамлекеттик жана муниципалдык кызматкерлердин, ошондой эле мамлекеттик сатып алуулар тармагында иштеген адистердин квалификациясын жогорулатуу максатында уюштурулган окуу курстары Нарын облусунун райондорунда жана Нарын шаарында өткөрүлдү. Сабактардын жүрүшүндө угуучулар колдонулуп жаткан мыйзамга киргизилген өзгөртүүлөр, сатып алууларды натыйжалуу башкаруунун ыкмалары менен таанышып, бул багыттагы практикалык көнүгүүлөрдү иштөө аркылуу машыгышты. Практикалык сабактар окуу курсунун программасына теориялык алган билимдерди бышыктоо максатында киргизилген. Окуу курсу аяктагандан кийин  угуучулар тестирлөөнүн жыйынтыгы менен сертификатка ээ болушту.

Кыргыз Республикасынын Финансы министрлигинин Окуу борбору мамлекеттик сатып алуулар жаатындагы кесиптик компетенцияларды жогорулатууга багытталган мындай иш-чараларды өткөрүүнү уланта бермекчи.