Коомдук угуулар Кыргыз Республикасынын финансы министри А.К.Бакетаевдин төрагалыгы алдында Кыргыз Республикасынын Саламаттык сактоо министрлигинин, өкмөттүк эмес уюмдардын жана жарандык коомдун өкүлдөрүнүн катышуусунда өттү.

Иш-чара 2024-жылдын  1-ноябрында Кыргыз Республикасынын Жогорку Кеңешинде 2025-жылга республикалык бюджеттин долбоорун талкуулоо боюнча парламенттик угуу учурунда көтөрүлгөн маселелерди талкуулоонун уландысы катары уюштурулду.

Угуулардын жүрүшүндө өкмөттүк эмес уюмдардын жана жарандык коомдун өкүлдөрү тарабынан саламаттык сактоо секторундагы көйгөйлөр айтылып, кечиктирилгис көңүл бурууну жана чечүүнү талап кылган артыкчылыктуу багыттарды каржылоону көбөйтүү зарылдыгы жөнүндө сунуштар жана сунуштамалар берилди.

Кыргыз Республикасынын финансы министри А.К.Бакетаев угуулардын жыйынтыгы боюнча саламаттык сактоо секторун каржылоону көбөйтүү максатында кошумча каражаттарды табуу жөнүндө тапшырма берди.