Menu

Коррупцияга каршы биргеликте күрөшөлү!

Коррупцияга каршы биргеликте күрөшөлү!

КРФМ

Урматтуу жарандар!

Коррупция - коомдун өнүгүшүнө тоскоол болгон эң олуттуу көйгөйлөрдүн бири. Ал мамлекеттик кызматтардын сапатына, адилеттүүлүккө жана жарандардын мамлекетке болгон ишенимине терс таасирин тийгизет. Ошондуктан коррупцияга каршы күрөшүү  мамлекеттик органдардын гана эмес, ар бир жарандын да жалпы жоопкерчилиги.

Ар бирибиз мыйзамды сактап, пара берүүдөн жана алуудан баш тартуу менен таза жана адилет коомду курууга өз салымыбызды кошо алабыз. Эгер сиз коррупциялык көрүнүштөргө күбө болсоңуз же мыйзамсыз аракеттер тууралуу маалыматыңыз болсо, кайдыгер карабай, тиешелүү мамлекеттик органдарга кабарлооңуз маанилүү.

Коррупцияга каршы күрөшүү биринчи кезекте анын алдын алуудан, ачык-айкындуулукту камсыз кылуудан жана ак ниет башкаруу маданиятын калыптандыруудан башталат. Коомдун ар бир мүчөсүнүн жарандык позициясы бул багыттагы аракеттердин натыйжалуу болушуна өбөлгө түзөт.

Кыргыз Республикасынын Финансы министрлиги** коррупциянын алдын алуу, ачык-айкындуулукту жана мыйзамдуулукту камсыз кылуу боюнча иш-чараларды ырааттуу жүргүзүп келет. Министрлик коррупцияга каршы мамлекеттик саясатты ишке ашыруу жана таза, жоопкерчиликтүү мамлекеттик башкарууну калыптандыруу багытындагы аракеттерин мындан ары да улантат.

Коррупцияга жол бербейли. Таза коомду биргеликте куралы!


#ТазаКыргызстан, #МенПараБербейм, #МенПараАлбайм

Бөлүшүү

Тэгдэр

Түзүлгөн

User
1761

Окшош жаңылыктар