Ишкерлер үчүн пайызсыз насыялар

Ишкерлер үчүн пайызсыз насыялар

Кыргыз Республикасынын Финансы министрлиги Дүйнөлүк банк жана Азия инфраструктуралык инвестициялык банкы тарабынан каржыланган «Кыргыз Республикасынын жеке жана финансы секторун шашылыш колдоо» долбоорунун ишке ашырылып жаткандыгын билдирет.

 

МААЛЫМАТ БАРАКЧАСЫ

1-Компонент. Кайтарылуучу финансылык жардам.

Кыргыз Республикасынын Министрлер Кабинетинин 2022-жылдын 28-сентябрындагы № 521-т тескемесине ылайык, берилген каражаттардын жаңы жана ынгайлуу шарттары бекитилгендигин билдирет.

Компонент жарамдуу микро, чакан жана орто ишканаларга алардын ликвиддүүлүккө болгон муктаждыктарын колдоо үчүн финансылык жардам көрсөтөт. Банк тарабынан белгиленген мөөнөт аяктагандан кийин көрсөтүлгөн жардамдын негизги суммасы кайтарылууга жатат.

Долбоордун максаты
  • COVID-19 кризисине жооп катары жана калыбына келтирүү мезгилинде микро, чакан жана орто ишканаларды колдоо.
Долбоордун бенефициарлары
  • Микро, чакан жана орто ишканалар (айыл чарбасы каржыланбайт)
Долбоордун шарттары
  • Валютасы: КР сом
  • Пайызы: 0% (пайызсыз)
  • Финансылык жардамды пайдалануу мөөнөтү: 36 айга чейин
Каралуучу чыгашалар
  • инвестицияны каржылоо (жабдуулар, санариптик технологиялар, жашыл экономикада жумшартуу жана адаптациялоо жана башкалар);
  • иштеп жаткан жүгүртүү каражаттары (чийки зат, материалдар, запастар, товарлар жана ишкердик ишмердүүлүктү жандандыруу үчүн башка ресурстар);
  • операциялык чыгымдар (эмгек акы төлөө боюнча чыгымдар, жеткирүүчүлөрдүн эсеп-дүмүрчөктөрү, ижарага чыгашалар, коммуналдык чыгымдар (анын ичинде интернет).

КРИТЕРИЙЛЕР:

1-Категория
  • Кыргыз Республикасынын салык мыйзамдарына ылайык иштеген, жылдык жүгүртүүсү 8 миллион сомдон ашпаган жана 6 айдан кем эмес иштеген жеке ишкерлер.
  • Салыктарды жана камсыздандыруу төгүмдөрүн төлөөдөн бошотуу же алар боюнча карыздын жоктугу, ошондой эле банкка кайрылуу датасына кредиттик бюронун маалыматын эске алуу менен.
  • Финансылык  жардамдын суммасы: 1 000 000 сомго чейин
2 - Категория
  • Кыргыз Республикасынын салык мыйзамдарына ылайык иш жүргүзгөн, жылдык жүгүртүүсү 30 миллион сомдон ашпаган жана 6 айдан кем эмес иштеген жеке ишкерлер жана юридикалык жактар. 
  • Салыктарды жана камсыздандыруу төгүмдөрүн төлөөдөн бошотуу же алар боюнча карыздын жоктугу, ошондой эле банкка кайрылуу датасына кредиттик бюронун маалыматын эске алуу менен.
  • Финансылык  жардамдын суммасы: 3 000 000 сомго чейин

БАНКТАР:

Керектүү документтердин тизмеси өнөктөш банктар менен такталышы мүмкүн (төмөндө көрсөтүлгөн). Бардык суроолор боюнча төмөнкү даректерге кайрылыңыз:

 

Бөлүшүү

Тэгдэр

Түзүлгөн

-
36335