Жалпысынан 2022-жылга жана 2023-жылдын биринчи жарымына МИП фонддорун өнүктүрүүдө оң динамика белгиленди. 2023-жылдын январь-июнь айлары үчүн МИПти ишке ашыруунун жыйынтыгы боюнча тышкы каржылоого (кредиттер жана гранттар) мамлекеттик инвестициялардын (МИ) чыгашаларынын жалпы көлөмү 16,7 млрд сомду, анын ичинде кредиттер – 10,3 млрд сомду жана гранттар – 6,4 млрд сомду түздү. Бул көрсөткүч 2023-жылдын биринчи жарым жылдыгына бекитилген бюджетке карата 120% өлчөмүн түздү.

Министрдин орун басары белгилегендей, Финансы министрлиги Кыргыз Республикасынын Министрлер Кабинетинин финансылык агенти катары көйгөйлүү маселелерди техникалык деңгээлде чечүү үчүн бардык күч-аракетин жумшоодо.

Р.С. Татиков мамлекеттик органдарды Макулдашуулар боюнча аткаруу үчүн Министрлер Кабинети тарабынан кабыл алынган милдеттенмелер үчүн толук жоопкерчиликти түшүнүүгө чакырды, анткени жеңилдетилген каражаттарды андан ары берүү донорлордун инвестициялык портфелинин сапаттуу аткарылышына түздөн-түз көз каранды.