“Бишкек шаарын жана Чүй облусун газдаштыруу боюнча жеңилдетилген каржылоо-2” долбоору боюнча:

      Бишкек шаарын жана Чүй облусун газдаштыруу боюнча иштерди жүргүзүүгө

мамлекеттик колдоо көрсөтүү максатында, Кыргыз Республикасынын Министрлер

Кабинетинин 2024-жылдын 15-мартындагы тескемеси бекитилген.

      Аталган Долбоорду ишке ашырууга “Айыл Банк” жана “Элдик Банк” ачык акционердик коомдору катышууда, аларды кредиттөөнүн көлөмү 1,0 млрд. сом суммасын түзүүдө. 2024-жылдын декабрь айына карата бул Долбоордун алкагында 238 каржылоо субъекттерине 30,32 млн. сом суммасына жеңилдетилген кредит берилген.

“Мектепке чейинки билим берүүнү өнүктүрүү үчүн жеңилдетилген кредит берүү” долбоору боюнча:

      Мектепке чейинки билим берүү уюмдарынын жетишсиздик көйгөйүн чечүү жана

балдарды мектепке чейинки билим берүү менен камсыз кылууну жогорулатуу максатында, Кыргыз Республикасынын Министрлер Кабинетинин 2023-жылдын 14-августунда токтому менен “Мектепке чейинки билим берүүнү өнүктүрүү үчүн жеңилдетилген кредит берүү” долбоору бекитилген.

       Долбоордун  алкагында 2024-жылдын ичинде банктардын финансылык каражаттары ишкердик  субъекттерине жана жеке жактарга мектепке чейинки билим берүү уюмдарынын жаңы  имараттарын куруу, учурдагы имараттарды капиталдык оңдоо/реконструкциялоо, ошондой эле  негизги каражаттарды сатып алуу учун жеңилдетилген пайыздык ставкалар боюнча берилген.

     Долбоорду ишке ашырууга “Айыл Банк”, “Элдик Банк” жана “Керемет Банк” ачык

акционердик коомдору катышууда, аларды кредиттөөнүн көлөмү 2024-жылга 97,3 млн. сом суммасын түзүүдө.  Үстүбүздөгү жылдын декабрь айына карата бул долбоордун алкагында 6 каржылоо субъекттерине 17,0 млн. сом суммасында жеңилдетилген кредит берилген.