Кыргыз Республикасы эгемендүүлүк алган жылдардан тарта алгачкы жолу жайыттардын түшүмдүүлүгүн жогорулатуу максатында үрөнчүлүк чарбаларына мамлекет тарабынан колдоо көрсөтүлө баштады.

2023-жылы Кыргыз Республикасынын Министрлер Кабинетинин 2023-жылдын 26-апрелиндеги № 202-Р буйругу менен жайыттардын абалын жана түшүмдүүлүгүн жакшыртууга, Жайыт комитеттерине жана үрөнчүлүк чарбаларына мамлекеттик колдоо көрсөтүүгө 30,4 миллион сом каралган.

Кошумчалай кетсек, КР Министрлер Кабинетинин 2023-жылдын 12-сентябрындагы №526-р буйругу менен Жайыт жана мал чарба департаментине эспарцет үрөнүн сатып алуу үчүн кошумча 12,5 млн сом бөлүнгөн.

2023-жылдын 10 айында Кыргыз Республикасынын жайыттарынын өндүрүмдүүлүгүн жогорулатуу максатында Кыргыз Республикасынын Айыл чарба министрлигинин Жайыт жана асыл тукум мал чарба департаментине 26,5 млн бөлүндү.

***