Кыргыз Республикасынын министрликтеринин жана ведомстволорунун өкүлдөрү Директорлор кеңешине Азия өнүктүрүү банкы менен адистештирилген багыттар боюнча кызматташуу долбоорлорунун алкагында жетишилген натыйжалар, учурдагы абал жана көйгөйлөр тууралуу кеңири маалымат беришти. 

Тараптар мүмкүн болгон кызматташуу боюнча долбоорлорду талкуулашты. Чакан жана орто бизнести өнүктүрүү, аялдардын ишкердигин өнүктүрүү, транспорттук коридорлорду жакшыртуу, климаттын өзгөрүшү жана табигый кырсыктарды алдың алуу, аймактарды өнүктүрүү багыттары боюнча жардам көрсөтүү мүмкүнчүлүгүн кароо сунушталды.

Учурда 2023-2027-жылдарга АӨБ менен Кыргызстандын жаңы Өнөктөштүк Стратегиясы иштелип чыгууда, анын максаты инклюзивдүү жана туруктуу өсүүгө көмөктөшүү  жана жашоонун сапатын жакшыртуу болот.

Мындан тышкары, тараптар АӨБнын Кыргыз Республикасындагы ишмердүүлүгүнө, эки тараптуу кызматташуунун келечегине, жалпысынан өлкөнүн социалдык-экономикалык өнүгүүсүнө тиешелүү маанилүү маселелерди талкуулашты.

Жолугушуунун соңунда тараптар мындан аркы жемиштүү кызматташууга даяр экендиктерин билдиришти.