“Кыргыз Республикасынын 2025-жылга жана 2026–2027-жылдардын пландык мезгилине республикалык бюджети жөнүндө” Кыргыз Республикасынын Мыйзамы Кыргыз Республикасынын Бюджеттик кодексине ылайык иштелип чыкты. Мыйзамдын максаты 2025–2027-жылдарга республикалык бюджеттин кирешелер, чыгашалар жана профициттер боюнча параметрлерин, башкы тескөөчүлөрдүн (тескөөчүлөрдүн, алуучулардын) чыгашаларынын ведомстволук, функциялык, экономикалык, программалык классификациясы боюнча бюджеттик ассигнованиелерди, жалпы мамлекеттик кирешелерден чегерүүлөрдүн ченемдерин, ошондой эле капиталдык салымдардын, дем берүүчү гранттардын, теңдөөчү трансферттердин жана бюджеттер аралык трансферттердин көлөмдөрүн бекитүү болуп саналат.